حظك اليوم مع عبدالله أحمد الجمعة 1/12/2017 بسبوسة للأسد وسمكرة للعذراء

دوت مصر 0 تعليق ارسل لصديق نسخة للطباعة تبليغ

إعرف حظك اليوم وتوقعات الأبراج معانا كل يوم وياريت متاخدش الكلام على صدرك..ف الأول والأخر انتا اللي بتعمل حظك اليوم وكل يوم بتصرفاتك ف الحياة ومينفعش حد يقولك هتبقى مبسوط النهاردة أو لأ إلا انتا..إنتا بس اللي تقدر تحدد دة اليوم وكل يوم..متنساش دة..صباحك فل وسعادة..

: كلام جد

كل واحدة بتبقى فرحانة بحبيبها كأنه إكتشاف أو إختراع مشافتوش قبل كدة وبتبقى عاوزة تكيد كل البنات بيه..ودة نفس إحساس القرد الوحيد ف وسط كل القرود اللي ماسك جيتار لبني.

عشان تعرف حظك بشكل كامل .. صفي نيتك ودوس على اسم برجك بإيدك اليمين.

حظك اليوم برج الحمل دوت مصر

حظك اليوم برج الحمل دوت مصر

إعرف حظك اليوم الجمعة 1/12/2017 مع عبدالله أحمد..

الحمل: من 21 مارس إلى 19 ابريل

برج الحمل عاطفياً

( الكراش والإكس والبوي فريند والجيرل فريند والجوز والزوجة والقرايب ):

خد بالك من تصرفاتك النهاردة عشان متتفاجئش..فكر كويس قبل ما تقول او تعمل اي حاجة ف اتجاه اي حد انتا بتحبه عشان متخسروش..

برج الحمل عملياً

( الشغل والمذاكرة والتخطيط لبكرة ):

نقي كلامك النهاردة ومتحدفش طوب على حد..متخسرش حد انتا محتاجه..بلاش تسرع وطيش..خليك حنين احسن ومتفهم وبلاش تنشيف دماغ

برج الحمل صحياً

( نفسيا وجسمانيا وكل مايخص طاسة المزاج ):

محتاج تنام بشكل احسن من كدة بمراحل ومحتاج تاكل اكل بسيط تبقى معزوم عليه ومش دافع فيه اي حاجة ولا وقفت تعمل ف تفاصيله اي حاجة برضة..

إعرف توافق برج الحمل مع باقي الأبراج النهاردة:

متوافق مع الابراج الخشبية والبرمائية والنارية..

حظك اليوم برج الثور دوت مصر

حظك اليوم برج الثور دوت مصر

إعرف حظك اليوم الجمعة 1/12/2017 مع عبدالله أحمد..

الثور : من 20 ابريل إلى 20 مايو

برج الثور عاطفياً

( الكراش والإكس والبوي فريند والجيرل فريند والجوز والزوجة والقرايب ):

متمشيش ورا حد النهاردة واسمع لإحساسك وبس.. يقولوا عليك بتعاند بقى بتكابر مش مهم..ف الاخر انتا مسئول مسئولية كاملة عن اختياراتك ومحدش له فيه.

برج الثور عملياً

( الشغل والمذاكرة والتخطيط لبكرة ):

انتا عارف لوحدك الصح فين ومش محتاج حد يشاورلك عليه او يقولك اتجاهه فين..انتا كبير كفاية بحيث تقدر تحدد لوحدك كل حاجة..

برج الثور صحياً

( نفسيا وجسمانيا وكل مايخص طاسة المزاج ):

راعي صحتك ومتفتريش على نفسك وبلاش اهمال..حاول تنقع روحك ف البانيو نص ساعة على الاقل النهاردة مع شامبو ومعطرات لافاندر..هتنتعش وتبقى فل..سواء انتا او ميكروباتك..

إعرف توافق برج الثور مع باقي الأبراج النهاردة:

متوافق مع الابراج البسكوتية والمعدنية والترابية..

حظك اليوم برج الجوزاء دوت مصر

حظك اليوم برج الجوزاء دوت مصر

إعرف حظك اليوم الجمعة 1/12/2017 مع عبدالله أحمد..

الجوزاء: من 21 مايو إلى 20 يونيو

برج الجوزاء عاطفياً

( الكراش والإكس والبوي فريند والجيرل فريند والجوز والزوجة والقرايب ):

محتاج براح عشان تصرخ فيه وتطلع كل الكلام اللي متحاش جوة صدرك ومش عارف تقوله..محتاج تصرح بكل مخاوفك بمنتهى الأمان وبمنتهى العنف والثقة..محتاج حد يسمعك ويقدر ويفهم كل دة.. بس للأسف مفيش حد..حياة بائسة وكوكب مفيهوش أي عدل.

برج الجوزاء عملياً

( الشغل والمذاكرة والتخطيط لبكرة ):

اشغل وقتك بأي حاجة مفيدة ومتبصش وراك وعيش حياتك احسن..التفكير الكتير ممنوش فايدة النهاردة..

برج الجوزاء صحياً

( نفسيا وجسمانيا وكل مايخص طاسة المزاج ):

صحتك كويسة بس محتاج تبطل ندب وشحتفة وعند ف نفسك وف الاخرين..خليك بسيط عشان الحياة تبقالك بسيطة برضة..

تعرف على توافق برج الجوزاء مع باقي الأبراج النهاردة:

متوافق مع الابراج الحللوية والترابية والخيالية..

حظك اليوم برج السرطان دوت مصر

حظك اليوم برج السرطان دوت مصر

إعرف حظك اليوم الجمعة 1/12/2017 مع عبدالله أحمد..

السرطان: من 21 يونيو إلى 22 يوليو

برج السرطان عاطفياً

( الكراش والإكس والبوي فريند والجيرل فريند والجوز والزوجة والقرايب ):

هتعمل مشوار مهم النهاردة ولازم تتشيك على الاخر وتبقى على سنجة عشرة..كمان حاول تاخد ف ايك اي صينية بسبوسة ولا حاجة..متخشش كدة ايدك فاضية..إوعى.

برج السرطان عملياً

( الشغل والمذاكرة والتخطيط لبكرة ):

حاول تقدر الناس اللي بتحبك النهاردة لمصلحتك العملية والحياتية..الناس دي مهمة ف حياتك ومهمة بالنسبة لتوازنك النفسي بشكل كبير وصعب تعيش من غيرهم ومن غير اهتمامهم بيك..حاول النهاردة تردلهم الجميل وتعرفهم قد ايه انتا مقدر تواجدهم ف حياتك..

برج السرطان صحياً

(نفسيا وجسمانيا وكل مايخص طاسة المزاج ):

صحتك منتعشة والطاقة كيرفها عالي ماشاء الله وتقدر تنبسط وتروح اي مشاوير تحبها النهاردة..اشحن بس البطارية كويس قبل ماتطلع ومتسيبش اي نور منور وانتا خارج..بلاش..

تعرف على توافق برج السرطان مع باقي الأبراج النهاردة:

متوافق مع الابراج الحلبسية والترابية والهوائية..

حظك اليوم برج الأسد دوت مصر

حظك اليوم برج الأسد دوت مصر

إعرف حظك اليوم الجمعة 1/12/2017 مع عبدالله أحمد..

الأسد: من 23 يوليو إلى 22 اغسطس

برج الأسد عاطفياً

( الكراش والإكس والبوي فريند والجيرل فريند والجوز والزوجة والقرايب ):

واضح ان هيجيلكم ضيوف النهاردة وواضح انهم ضيوف تقيلة ورزلة على قلبك..حاول تتعامل بشكل رسمي ومتبينش انك مش طايق تبص ف وشهم واشرب شايك وبعد كدة انزل بأي حجة واقعد ع القهوة مع اصحابك احسن ومتكدرش نفسك.

برج الأسد عملياً

( الشغل والمذاكرة والتخطيط لبكرة ):

انزل شوف العالم واخرج واتفسح واعرف ناس جديدة طالما اتخنقت من الناس القديمة..دة حقك وعادي على فكرة مش عيب ابدا..

برج الأسد صحياً

( نفسيا وجسمانيا وكل مايخص طاسة المزاج ):

مينفعش تتعامل مع صحتك على انها ف الضمان..دة شيئ مش منطقي ابدا..

تعرف على توافق برج الأسد مع باقي الأبراج النهاردة:

متوافق مع الابراج البطوطية والبسبوسية والترابية..

حظك اليوم برج العذراء دوت مصر

حظك اليوم برج العذراء دوت مصر

إعرف حظك اليوم الجمعة 1/12/2017 مع عبدالله أحمد..

العذراء: من 23 اغسطس إلى 22 سبتمبر

برج العذراء عاطفياً

( الكراش والإكس والبوي فريند والجيرل فريند والجوز والزوجة والقرايب ):

في حد هيديك حاجة حلوة النهاردة..خدها منه ومتكسفش ايده وإبقى إرميها بعدين مش أزمة.

برج العذراء عملياً

( الشغل والمذاكرة والتخطيط لبكرة ):

حاول تتنازل النهاردة وتتعامل مع الناس كويس..تعالى على نفسك معلش عشان ادلنيا تمشي والحياة البشرية تستمر على كوكب الارض..الموضوع مجهود طبعا بس تأكد انه للصالح العالم مش لمصلحتك انتا وبس..

برج العذراء صحياً

( نفسيا وجسمانيا وكل مايخص طاسة المزاج ):

صحتك كويسة وزي الفل بس في احتياج بسيط للسمكرة والدوكو بس مش ضروري اوي يعني الا لو خارج..

تعرف على توافق برج العذراء مع باقي الأبراج النهاردة:

متوافق مع الابراج الحسواكية والنارية..

حظك اليوم برج الميزان دوت مصر

حظك اليوم برج الميزان دوت مصر

إعرف حظك اليوم الجمعة 1/12/2017 مع عبدالله أحمد..

الميزان : من 23 سبتمبر إلى 22 اكتوبر

برج الميزان عاطفياً

( الكراش والإكس والبوي فريند والجيرل فريند والجوز والزوجة والقرايب ):

حاول تتفسح النهاردة ومتقعدش ف البيت..ابعد عن المشاكل والرغي الكتير واللت والعجن ف الفاضية والمليانة.. خليك رايق بالنهار عشان بالليل هتنبسط بشكل مفاجئ.

برج الميزان عملياً

( الشغل والمذاكرة والتخطيط لبكرة ):

ركز ف مزاجك وانبساطك النهاردة وملكش دعوة بحد ولا بمزاج حد ولا انبساط حد..كل واحد مسئول عن نفسه وعن انبساطه ومزاجه وبس..

برج الميزان صحياً

( نفسيا وجسمانيا وكل مايخص طاسة المزاج ):

التفكير الكتير عاملك ف مخك تعكير على افكارك ومحسسك ان كل حاجة فاشلة وممنهاش رجا عشان انتا بتقعد تخوف ف نفسك بخيالك الواسع كل يوم بإهتمام..شجعها احسن وطبطب عليها وداديها عشان تعرف تخش بيها رالي الحياة وانتا متطمن انها هتكمل ومش هتتقلب منك ف الصحرا فجأة..

تعرف على توافق برج الميزان مع باقي الأبراج النهاردة:

متوافق مع الابراج الكتكوتية والفرفوشية والنارية..

حظك اليوم برج العقرب دوت مصر

حظك اليوم برج العقرب دوت مصر

إعرف حظك اليوم الجمعة 1/12/2017 مع عبدالله أحمد..

العقرب: من 23اكتوبر إلى 21 نوفمبر

برج العقرب عاطفياً

( الكراش والإكس والبوي فريند والجيرل فريند والجوز والزوجة والقرايب ):

هتعمل عمل فني خارق للجمال النهاردة ماشاء الله..متوريهوش لحد لما يخلص بس عشان ميتنظرش ويتحسد..الناس عينيها بقت وحشة والنفوس مبقتش سالكة خلاص للأسف..عشان كدة لازم تداري اللي هتعمله دة من عيون الناس..

برج العقرب عملياً

( الشغل والمذاكرة والتخطيط لبكرة ):

اشغل وقتك النهاردة ف اي عمل يدوي فني براحتك..هات صلصال وفعص فيه او حاول تعمل اي حاجة من الخشب او المعادن او البلاستك او عجينة الورق..ارسم غني..ارقص..براحتك..المهم مترازيش لا ف نفسك ولا ف حد النهاردة..

برج العقرب صحياً

( نفسيا وجسمانيا وكل مايخص طاسة المزاج ):

صحتك كويسة وحالها شغال وماشي وبيزحف..في بس شوية مشاكل ف الكهربا ودي هتحتاج تظبيط قريب مش مكلف ان شاء..

تعرف على توافق برج العقرب مع باقي الأبراج النهاردة:

متوافق مع الابراج السرسوبية والسوبيائية والهوائية..

حظك اليوم برج القوس دوت مصر

حظك اليوم برج القوس دوت مصر

إعرف حظك اليوم الجمعة 1/12/2017 مع عبدالله أحمد..

القوس: من 22 نوفمبر إلى 21 ديسمبر

برج القوس عاطفياً

( الكراش والإكس والبوي فريند والجيرل فريند والجوز والزوجة والقرايب ):

واضح انك هتعمل مصيبة كبيرة النهاردة انتا وصحابك.. واضح ان التجمع بتاعكم دة خطر عليكم..عموما متقلقش من اي حاجة واعمل انتا واصحابك اللي نفسكوا فيه..خلينا نخلص من القلق اللي انتوا عاملينه طول الوقت دة للبشرية المعذبة.

برج القوس عملياً

( الشغل والمذاكرة والتخطيط لبكرة ):

هتعمل مصيبة النهاردة وبتحاول تداري لمعة عينيك اللي الاثارة منوراها على العالي النهاردة..اما نشوف اخرتها معاك..

برج القوس صحياً

( نفسيا وجسمانيا وكل مايخص طاسة المزاج ):

صحتك كويسة وواضح ان دة سبب كبير من الاسباب اللي مخلياك مستقوي النهاردة وبتفكر تعمل مصايب وترازي ف الناس كالعادة..حاول تفكر ف بكرة واللي هيجرى..بلاش الثقة الزايدة دي..بلاش

تعرف على توافق برج القوس مع باقي الأبراج النهاردة:

متوافق مع الابراج الكستبانية والبرية والهوائية..

حظك اليوم برج الجدي دوت مصر

حظك اليوم برج الجدي دوت مصر

إعرف حظك اليوم الجمعة 1/12/2017 مع عبدالله أحمد..

الجدى: من 22 ديسمبر إلى 19 يناير

برج الجدي عاطفياً

( الكراش والإكس والبوي فريند والجيرل فريند والجوز والزوجة والقرايب ):

واضح ان في رسالة مستفزة هتجيلك النهاردة.. حاول تتماسك ومتغضبش ولا تنكدش على نفسك وتحلى بالكثير والكثير من البرود المعدني ف مواجهة الاستفزاز دة.. مسيرهم ييجي وقتهم متقلقش..متبوظش بس اليوم عشان عالم تافهة متستاهلش وخليك انتا الكبير معلش.

برج الجدي عملياً

( الشغل والمذاكرة والتخطيط لبكرة ):

كيدهم بإنبساطك وبس النهاردة..متديش حد فرصة يبوظ عليك مزاجك ويفسد عليك روقانك..بلاش..

برج الجدي صحياً

( نفسيا وجسمانيا وكل مايخص طاسة المزاج ):

صحتك زي الفل وكل حاجة سالكة وصوتها تمام..في بس تخبيط وخشونة من ناحية المقصات اللي ف الناحية اليمين..غالبا انتا محتاج تغير رومان بلي مش اكتر..

تعرف على توافق برج الجدي مع باقي الأبراج النهاردة:

متوافق مع الابراج الفرفوشية والحنجورية والمستحية..

حظك اليوم برج الدلو دوت مصر

حظك اليوم برج الدلو دوت مصر

إعرف حظك اليوم الجمعة 1/12/2017 مع عبدالله أحمد..

الدلو: من 20 يناير إلى 18 فبراير

برج الدلو عاطفياً

( الكراش والإكس والبوي فريند والجيرل فريند والجوز والزوجة والقرايب ):

حماسة وطاقة جبارة النهاردة مش هتعمل بيها اي حاجة وهتركنها على جنب وتكسل وتقضي اليوم بتتأمل وبتنام وتاكل وبس.. براحتك..إستمتع..محدش له عندك حاجة اصلا.

برج الدلو عملياً

( الشغل والمذاكرة والتخطيط لبكرة ):

اليوم جميل ومنعش ومناسب جدا للطبيخ وللوقفة ف المطبخ والاستمتاع بتفاصيل كتير..حاول تكبر دماغك من اي محاولات خارجية بتتعمد تفسد عليك حالة الروقان دي بأي شكل من الأشكال..

برج الدلو صحياً

( نفسيا وجسمانيا وكل مايخص طاسة المزاج ):

صحتك كويسة وماشي حالها بس حاول تهتم برجليك حبة وخصوصا الكعب والصوابع..سقيهم ف مية سخنة واعملهم مساج..هيفرق ف نفسيتك الموضوع دة مش ف وجع رجلك وبس..

تعرف على توافق برج الدلو مع باقي الأبراج النهاردة:

متوافق مع الابراج المعدنية والكتكوتية والدخانية..

حظك اليوم برج الحوت دوت مصر

حظك اليوم برج الحوت دوت مصر

إعرف حظك اليوم الجمعة 1/12/2017 مع عبدالله أحمد..

الحوت: من 19 فبراير إلى 20 مارس

برج الحوت عاطفياً

( الكراش والإكس والبوي فريند والجيرل فريند والجوز والزوجة والقرايب ):

متهدرش الموارد المتاحة قدامك لمجرد انك مش عاوز يبقى اسمك احتاجت حاجة من حد..استفيد من كل حاجة ممكن تفيدك ومتقلقش..محدش يقدر يثبتك بجمايله او يمتلكك بخدماته.. خد مصلحتك وإقلب عليهم كلهم كالعادة.

برج الحوت عملياً

( الشغل والمذاكرة والتخطيط لبكرة ):

حاول تقلل حالة التناكة حبة على الحياة وعلى الناس اللي عايشين معاك ف الحياة عشان انتا مش احسن من اي حد ف اي حاجة..انتا بس بتعرف تمثل كويس مش أكتر..

برج الحوت صحياً

( نفسيا وجسمانيا وكل مايخص طاسة المزاج ):

إهتم بضوافرك وببشرتك النهاردة وبلاش اهمال ونوم كتير بشكل اوفر..حاول تبقى نشيط وتتحرك كدة عشان العفشة متقفش عليك وتحتاج تشحيم واويل سيلات بعدين وتكلفك كتير بدون داعي..

تعرف على توافق برج الحوت مع باقي الأبراج النهاردة:

متوافق مع الابراج اللاسلكية والسلكية والمائية..

اعلان حظك اليوم دوت مصر

اعلان حظك اليوم دوت مصر

وأخيراً، نتقدم لكم بجزيل الشكر على زيارة ومتابعة الشرق تايمز ، كما نعدكم بتقديم كل جديد وهام من كافة المصادر الإخبارية الموثوقة، وقد تم نقل حظك اليوم مع عبدالله أحمد الجمعة 1/12/2017 بسبوسة للأسد وسمكرة للعذراء , والمصدر هو المسئول عن صحة الخبر.
المصدر : دوت مصر

إخترنا لك

أخبار ذات صلة

0 تعليق