برج الجوزاء حظك اليوم الجمعة 1/12/2017 ..محتاج براح عشان تصرخ

دوت مصر 0 تعليق ارسل لصديق نسخة للطباعة تبليغ

تعرف على حظك اليوم ل برج الجوزاء مع الكاتب عبدالله أحمد وتأكد إنك سواء عجبك الكلام المكتوب هنا في برجك أو لأ ف انتا تقدر تصنع حظك اليوم بإيديك سواء اليوم أو كل يوم

حظك اليوم برج الجوزاء

حظك اليوم برج الجوزاء

حظك اليوم برج الجوزاء عاطفياً

( الكراش والإكس والبوي والجيرل فريند والجوز والزوجة والقرايب ):

محتاج براح عشان تصرخ فيه وتطلع كل الكلام اللي متحاش جوة صدرك ومش عارف تقوله..محتاج تصرح بكل مخاوفك بمنتهى الأمان وبمنتهى العنف والثقة..محتاج حد يسمعك ويقدر ويفهم كل دة.. بس للأسف مفيش حد..حياة بائسة وكوكب مفيهوش أي عدل.

حظك اليوم برج الجوزاء عملياً

(الشغل والمذاكرة والتخطيط لبكرة ):

اشغل وقتك بأي حاجة مفيدة ومتبصش وراك وعيش حياتك احسن..التفكير الكتير ممنوش فايدة النهاردة..

حظك اليوم برج الجوزاء صحياً

( نفسيا وجسمانيا وكل مايخص طاسة المزاج ):

صحتك كويسة بس محتاج تبطل ندب وشحتفة وعند ف نفسك وف الاخرين..خليك بسيط عشان الحياة تبقالك بسيطة برضة..

حظك الغذائي:

اي صينية ليها وش بيتحمر ف الفرن النهاردة هتبقى مصدر سعادة غذائية مفرطة..شوف اي صينية تعجبك وحطها ف الفرن تعمل وش خمس عشر دقايق وطلعها تبرد وتهدى واستمتع..

شعارك اليوم:

دنيا كلها تمثيل وصعب تلاقى حد أصيل..

لونك اليوم:

الأخضر بكل درجاته..

إعرف توافق برج الجوزاء مع باقي الأبراج النهاردة

متوافق مع الابراج الحللوية والترابية والخيالية..

من مشاهير برج الجوزاء

Johnny Depp برج الجوزاء

Johnny Depp برج الجوزاء

الحظ هزار من الحياة.. مش أكتر.. ومحدش يملك معلومات كافية ولا بصيرة كافية ولا علم كافي عشان يقولك هتبقى النهاردة كويس أو لأ.. دا دايما متوقف على اختيارك وعلى مزاجك ومودك وظروفك لوحدك.

الحظ ممكن يكون موجود ممكن ميكونش موجود..القرار قرارك لوحدك ف حياتك وبس..بس لو اخترنا نشوفه وندور عليه كويس وبإهتمام هنشوف تأثيره في حياتنا طول الوقت ومنقدرش ننكره.. بنشوف ناس مبسوطة وناس لأ.. بنقول على المبسوط حظه حلو وبنتمنى نبقى حظنا من حظه ونبقى مبسوطين زيه وبنتمنى نملك الانبساط دا ونتحكم فيه .. ونستدعيه كمان وقت اللزوم زي جني المصباح..زي الأحلام.. وزي الأماني والخيالات الحلوة.. وقت الضيقة والخنقة والمشاكل والاحتياج اليومي للأمل ف بكرة أفضل وأروق وأجمل وألوانه أحلى..بنتمنى يكون في منطق واسباب للسعادة ممكن تتحط وتتكثف ف كلام بسيط وقريب..

ومن هنا بقى في توقعات الحظ اليومية بالاعتماد على حركة الكواكب ومواقع النجوم وعلم الفلك.. محدش ينكر إن كوكب الأرض كله واقع تحت تأثير حركة الكواكب المحيطة وخصوصاً القمر.

ولولا تأثيره مكانش بقى في حركة مد وجزر ومكانش الإنسان عرف يسافر بمراكب في البحر.. ولا كان الإنسان اتحرك من بلد لبلد برضه ف البر لو مكانش في مواقع للنجوم مميزة ف السما يقدر يعتمد عليها..

إفتكر الكلام دا وانت بتقرا حظك النهاردة وبكرة وكل يوم ياريت ..

وتأكد إنك سواء عجبك الكلام المكتوب هنا في برجك أو لأ فانت تقدر تصنع حظك بإيديك سواء اليوم أو كل يوم..

الكلام المكتوب هنا دايما الغرض منه الفرفشة والدلع والمزاج الرايق بعلامات حلوة من الحياة محطوطة ف كلام وحبة مزيكا على مزاجك..

تابعنا يومياً عشان تعرف حظك كل يوم ومتنساش.. كل دة مجرد هزار برئ ياريت متاخدوش على صدرك..

تحياتنا الدائمة.

اعلان حظك برج الجوزاء

اعلان حظك برج الجوزاء

تم نقل هذا الخبر , والمصدر هو المسئول عن صحة الخبر أو عدمه.
المصدر : دوت مصر

أخبار ذات صلة

0 تعليق