أمنيات أبناء الدقهلية فى العام الجديد .. فيديو

صدى البلد 0 تعليق ارسل لصديق نسخة للطباعة تبليغ

تنوعت أمنيات أبناء الدقهلية مع قدوم العام الميلادي الجديد وسط امال وأحلام ما بين أحلام خاصة وعامة وأن اجتمعت العامة بأن يحفظ الله مصر".

وقال الحاج جلال محمد عبد الله من اهالى مدينة ميت غمر: "اتمنى الاقى الخير كله على مصر، واتمنى عام خالي من الارهاب عام بلدنا تنضف من الكفرة اللى بيدمروا ويقتلوا لكن لازم يعرفوا ان مصر فيها ملايين الضباط والعساكر كل واحد فينا مستعد يضحى عشان مصر مهما عملوا".

اما الحاج عبد اللطيف فرج من اهالى قرية بشلا بميت غمر فقال: "امنيتى الشخصية ان ربنا يدينى الصحة ويبارك فى ولادى وافرح بيهم وهم محققين احلامهم وامنيتى العامة ان مصر تبقى من الدول المتقدمة فى كل شئ وانا متفائل اوى وحاسس ان الخير جاى والله بلدنا جميلة اوى واللى يعرف ايه هى مصر هيعمل المستحيل عشان يحافظ عليها وربنا يبارك فى الرئيس السيسى وبتمنى انه يفضل رئيسنا سنوات وسنوات الخير على ايده جاى ".

أما منال شوقى "ربة منزل " من مدينة المنصورة أعربت عن امنيتها بأن تجد الاسعار ارخص وارخص عن الاول وأن التعليم يتحسن وكل طالب ياخد حقه.

اما الحاجة سيدة محروس من مدينة بلقاس فقالت: "نفسى اشوف الرئيس واقوله انى بحبه جدا وانه هيخلى مصر اد الدنيا لأنه بيحبها ويخاف عليها ،ونفسى جيشنا يقضى على كل ارهابى خاين وعميل وسيناء تنضف وتعمر ويعملوا فيها مصانع عشان الشباب يشتغل وبلدنا تكبر وتكبر".

وأخيراً، نتقدم لكم بجزيل الشكر على زيارة ومتابعة الشرق تايمز ، كما نعدكم بتقديم كل جديد وهام من كافة المصادر الإخبارية الموثوقة، وقد تم نقل أمنيات أبناء الدقهلية فى العام الجديد .. فيديو , والمصدر هو المسئول عن صحة الخبر أو عدمه، المصدر : صدى البلد

إخترنا لك

أخبار ذات صلة

0 تعليق