أبرز ما في نص كلمة السيسي خلال جلسة مواقع التواصل الاجتماعي

0 تعليق ارسل طباعة تبليغ حذف
طالب الرئيس عبدالفتاح السيسي خلال جلسة مواقع التواصل الاجتماعي بتشكيل لجنة قومية أو مجموعة بحثية قومية لمناقشة تعظيم الاستفادة من شبكات التواصل الاجتماعى، فى توصيات منتدى شباب العالم.
كلمة السيسي خلال جلسة مواقع التواصل الاجتماعي

وشدد الرئيس السيسي خلال جلسة مواقع التواصل الاجتماعي "الإشاعات كانت موجودة على مدى التاريخ الإنسانى، ولكن أسلوب الاستخدام ونقل الشائعات تطور بشكل كبير، وكل ما هنتطور ونبنى ونصيغ الشخصية الإنسانية بشكل مناسب هنستطيع أن نتعامل بتوازن مع التطور اللى بيحدث فى العالم فى كل شئ".

وقال الرئيس السيسي، خلال جلسة مواقع التواصل الاجتماعي "مواقع التواصل الاجتماعى تنقذ أم تستبعد مستخدميها"، إن أى محاولة لمجابهة أو منع وسائل التواصل الاجتماعى لن تكلل بالنجاح، متابعا: لازم تتعاملوا مع الواقع وتنجحوا فى الاستفادة منه"، وقال: "التطور الإنسانى أمر لا قبل لنا به، وهيتم هضمه بواسطة البشر، وأنا من الجيل اللى كان عايش فى وقت مكنش فيه تليفزيون خالص فى مصر، والناس كانت عايشة، ولما جه التليفزيون كوسيلة من وسائل الاتصال والإعلام بدأت الحياة تتغير، وكانت الناس خايفة وقلقانه إن التقارب الشديد اللى كان موجود ابتدى يتحلل ويتراجع فى هذا الوقت".

وأضاف السيسى خلال جلسة مواقع التواصل الاجتماعي: "التطور الإنسانى اللى بيحدث حاليا جزء من صناعة الله فى الوجود، وهذا سياق ماشي بيه الوجود، وإحنا هنقدر نتفاعل معاه والدليل على كده إننا قاعدين دلوقتى نناقش إزاى نعظم من الإيجابيات الموجودة ونستفيد منها ونقلل من السلبيات اللى ممكن تكون موجودة فيه، وإحنا محتاجين فى التوصية بتاعتنا فى المؤتمر إننا نشكل لجنة قومية أو مجموعة بحثية قومية تناقش الموضوع من كافة الجواب وتحطلنا استراتيجية للتعامل معاه نعظم من خلالها النقاط اللى تساعدنا على إننا نستفيد ما أمكن من الشبكة والتواصل.. وأى محاولة مننا لمجابهتها مش هتنجح".

وتابع خلال جلسة مواقع التواصل الاجتماعي "أى اختراع بنعمله ممكن يبقى أداة للبناء وأداة للتدمير، وإزاى إحنا نجهز مجتمعنا علشان تبقى أداة التعليم وللتواصل الصحى بينا وبين بعضنا، وانتوا بتقولوا نخلى بالنا من الأطفال والمراهقين .. طيب ده الأمهات بيبقوا قاعدين مساكين التليفون والأطفال ماشيين حوالين منهم، طيب ده الأطفال بيتعلموا بالمشاهدة، وأكيد هتتنقل ليهم الصورة دى وهتنطبع عندهم".

وأوضح الرئيس خلال جلسة مواقع التواصل الاجتماعي: "اللى يهمنى هنا فى مصر وحتى للدول اللى مش متقدمة زينا.. الدول المتقدمة وشعوبها وبتقدمها وأنماط حياتها وثقافتها، تستطيع أن تتعايش معاه بشكل يقلل كتير من مخاطر الشبكات دى.. والعكس بالنسبالنا، هو بيؤثر فينا بشكل كبير"، مردفا: "فى 2010 كان ليا محاضرة وأنا كنت مدير للاستخبارات وقلت إن التطور الحادث فى وسائل التواصل هيؤدى إلى خطر شديد على مصر والمنطقة العربية ، وفعلا اتعمل تصوير انطباع عن شكل وحالة الدولة وأهمية التغيير من خلال الاستخدام اللى إحنا مكناش كدولة وكشعب مستعدين ولم نستوعبه إلا بعد ما حصلنا على الأحداث بتاعة الـ7 سنين اللى فاتوا، وده مش عيب الشبكة لكن عيبنا إحنا.. مكناش قادرين ومش مستعدين لهذا التطوير واستخدامه اللى ممكن يستخدم ضدنا فى إنه يؤدى إلى تشكيل انطباع غير حقيقى عن واقعنا ويحرك الجماهير ويؤدى فى النهاية إلى مشكلة كبيرة جدا فى منطقتنا العربية".


واستكمل السيسى خلال جلسة مواقع التواصل الاجتماعي "هيبقى فى تطوير تانى فى الاستخدام إذا مكناش إحنا نبقى مستعدين ليه وفاهمينه هنجد نفسنا بنتعرض لمشكلة نتيجة إن إحنا مكناش مستعدين ومتطورين كفاية، للتعامل مع التطور اللى يحدث فى استخدام أدوات التوصل الاجتماعى وغيرها فى الصراع، وإزاى أجهزة الاستخبارات باستخدام هذه الشبكات والعناصر الإرهابية باستخدام ده إزاى علشان تحقق أهدافها، وطالما وُجدت وسائل جديدة تستطيع بها التأثير فى الصراع فلا بد من استخدامها، واللى يهمنا فى الموضوع ده إن مجتمعنا مش المصرى فقط لكن كل المجتمعات يبقى متوقع إنه هيكون فى استخدام وده التطور بتاع الصراع".

وأخيراً، نتقدم لكم بجزيل الشكر زوار ومتابعي موقع الشرق تايمز، كما نعدكم بتقديم كل ماهو جديد وهام من كافة المصادر الإخبارية الموثوقة، حيث قمنا بنقل ( أبرز ما في نص كلمة السيسي خلال جلسة مواقع التواصل الاجتماعي ) , والمصدر هو المسئول عن صحة الخبر أو عدمه.
المصدر : بوابة المواطن

إخترنا لك

أخبار ذات صلة

0 تعليق